Халқ рози бўлса, ҳақ рози бўлади

Бугун ЎМИ Хоразм вилоят вакили Хайрулла домла Абдуллаев бошчилигида Боғот туманидаги «Дарвеш бобо» жоме масжидида маънавий-маърифий йиғилиш ўтказилди.

Унда имом-хатиблар, вакиллик ходимлари, туман бош имом-хатиблари ва отинойилари, шунингдек, “Ҳаж – 2024” зиёратчилари, маҳалла раислар билан Боғот туманида амалга ошириладиган ишлар муҳокама қилиниб, тавсия ва кўрсатмалар берилди.

Сўнгра ҳудуддаги оилаларга кирилиб, эҳтиёжманд, боқувчисини йўқотган, кам таъминланган, ногиронлиги бор оилалар ҳолидан хабар олинди. Шунингдек, эр-хотин, ака-ука, ота-бола, қайнона-келин, ўртасидаги келишмовчилик ва жанжаллар сабабли нотинч бўлиб турган оилалар ўрганилиб, уларга насиҳат қилинди. Нотинчлик сабабларини бартараф этиш, аразлашганларни яраштириш чоралари кўрилди. Оилавий ажримларнинг олдини олишга ҳаракат қилинди.

Шунингдек, адашиб ақидаси бузуқ кимсалар тузоғига тушиб қолган фуқаролар билан ҳам суҳбатлар ўтказилиб, уларга исломнинг соф таълимоти ҳақида маълумотлар берилди.

Бундай хайрли ишлар, яъни халққа хизмат қилиб, одамларни рози қилиш, Ҳақнинг розилигига сабаб бўлади, иншоаллоҳ.

Аллоҳ таоло хайрли ишнинг бошида турган барча азизларимиздан рози бўлсин!

Тадбир сўнгида амалга оширилган ишлар таҳлил қилиниб, имомларнинг йўналишга доир амалга оширган ишлари кўриб чиқилди.

Хайрли дуолар билан ташриф ўз ниҳоясига етди.

Хоразм вилояти вакиллиги

Матбуот хизмати

Leave a Reply

Ваш адрес email не будет опубликован. Обязательные поля помечены *