Ёшларнинг келажак олдидаги масъулияти

Ёшлик — инсон ҳаётидаги энг муҳим ва қимматли давр ҳисобланади. Бу даврда инсон нафақат билим ва тажриба тўплайди, балки ўз характери, хулқи ва келажак учун асосни яратади. Шу боис, ёшлар келажак олдида катта масъулиятга эгадирлар. Улар ўзи ва жамият келажагини шакллантирувчи асосий куч ҳисобланади. Ёшлар ўз ҳаракатлари ва қарорлари билан нафақат ўз ҳаётига, балки атрофдагилар ҳаётига ҳам таъсир қилади. Масъулият — инсоннинг ўз ҳаракатлари ва қарорлари учун жавобгар бўлиши, уларнинг оқибатини англаб яшашидир. Ёшлар ўз вақтида ўрганиши, одоб-ахлоқ ва билимли бўлиши учун масъулиятни ўз зиммасига олиши керак. Масъулиятли инсон ҳаётда адашмайди, мақсадга етиш учун тўғри йўлни танлайди. Ёшлар жамиятнинг келажаги эканини тушунсалар, улар ҳар бир ҳаракатда эҳтиёткор бўлишади. Улар билим олишга, одобли бўлишга, меҳнатга ва маънавий ривожланишга эътибор қаратмоғи зарур. Ёшлар фақат шахсият сифатида эмас, балки жамиятнинг асосий қудрат манбаи сифатида ҳам катта аҳамиятга эга. Ёшлар билимли, масъулиятли ва интизомли бўлса, жамият ривожланади. Агар ёшлар беэътибор ва билимсиз бўлса, жамиятда низо, барқарорсизлик ва муаммолар кўпайади. Шу боис, ҳар бир ёш ўз вақтидан самарали фойдаланиши, илм олиши, одоб-ахлоқли бўлиши ва жамиятга фойдали иш билан шуғулланиши лозим. Ёшликда тўпланган одатлар ва билимлар бутун умр давомида инсонга йўл-йўриқ кўрсатади.

Ёшлар учун биринчи мактаб — оила ҳисобланади. Ота-онанинг таълимоти, ҳурмати ва дуоси ёшлар учун муҳим тарбия манбаи ҳисобланади. Шунинг учун ёшлар ота-онанинг маслаҳатларига амал қилиши, уларни ҳурмат қилиши ва уларнинг розилигини олишга ҳаракат қилиши керак. Оилада тарбияланган ёшлар келажакда ҳам масъулиятли, камтар ва одобли бўлиб улғайишади. Улар ўз оиласи ва жамиятга фойдали аъзо сифатида хизмат қиладилар. Билим — ҳар бир ёш учун энг асосий восита. Билимли ёшлар ҳаётда тўғри қарор қабул қилади, муаммоларни ечишда ақл билан ҳаракат қилади. Шу боис ёшлар илм олиш, китоб ўқиш, тажриба тўплашга масъулият билан ёндашиши лозим. Билимли ва тарбияли ёшлар жамиятнинг турли соҳаларида самарали фаолият кўрсатади, уларнинг ҳаракатлари барча учун ибрат бўлади. Ёшликда нафақат моддий, балки маънавий ривожланиш ҳам муҳим. Ёшлар ахлоқли бўлиши, юртимиз қадр-қимматларини ҳимоя қилиши, одобли ва камтар бўлиши керак. Маънавий ривожланиш фақат шахсий бахт эмас, балки бутун жамият тараққиёти учун ҳам зарур. Ёшлар ўз ҳаракатлари ва нутқлари билан атрофдагиларга ҳам таъсир кўрсатади. Шу боис маънавий масъулиятни англаб яшаш ёшлар учун жуда муҳимдир.

Ҳар бир ёшнинг ҳаётдаги миссияси — билимли, одобли ва масъулиятли инсон бўлиб улғайиш. Улар жамиятда ижобий ўзгаришлар олиб келади, яхши одат ва ахлоқни кенг тарқатади. Ёшлар келажакда ота-она дуосини, хулқини ва билимини аҳамиятга олиб, ўзлари ҳам яхши инсонлар бўлишлари зарур. Ёшлар келажак олдида катта масъулиятга эгадир. Улар фақат ўз ҳаёти учун эмас, балки бутун жамият келажаги учун ҳам масъулиятни ҳис қилиши керак. Билим олиш, маънавий ривожланиш, одоб-ахлоқли бўлиш ва ота-онани ҳурмат қилиш — ёшларнинг асосий бурчидир. Масъулиятли ва билимли ёшлар орқали жамият тараққий этади, мамлакатимиз келажаги нурланади. Шунинг учун ҳар бир ёш ўз вақтидан самарали фойдаланиши ва келажак учун етарли билим, одоб ва тажриба тўплаши лозим.

Ф.Отажанова

ЎМИ Хоразм вилояти  бош имом-хатиби хотин-қизлар масалалари бўйича ўринбосари

Leave a Reply

Ваш адрес email не будет опубликован. Обязательные поля помечены *